Irakasleentzako lantegiak
2024-10-22
Urriaren 29an Liburu Gaztea egitasmoan parte hartuko duten irakasleentzako formazio saioa eskainiko du Galtzagorri elkarteak Bilbon. Aurten ere, egitasmoa aurkezteaz gain, booktrailerrak egiteko grabazio aholkuak, ikus-entzunezko lengoaiaren trikimailuak eta grabaketa, muntaketa eta ediziorako teknika ezberdinak azalduko zaizkie lehiaketan izena eman duten irakasleei.
Horretarako, lau orduko ikastaro praktikoa eskainiko zaie, goizez, Bizkaiko irakasleei. Aurtengo liburu proposamenak lantzeko unitate didaktikoak ere emango zaizkie. Lantegian jasotakoa DBHko ikasleekin batera eginen duten liburuen lanketan eta booktrailerrak sortzeko prozesuan erabiltzeko eta praktikan jartzeko aukera izanen dute irakasleek.
