Ipar Afrikako Ismael haurraren istorioa da hau. Asko eta asko bezala arrantzatik bizi da bere familia eta berak aitarekin ikasten du bizibidea. Egun batean aita hiltzen da, eta etxeko gizontxoak familia aurrera ateratzeko Italiara joatea erabakitzen du. Etorkin batek pasatzen dituen kalamidadeak pasako ditu, ia bizitza galduko du. Azkenean helmugara iritsiko da, baina ez du uste zuena topatuko, eta etxera bueltatzea erabakiko du. Amarekin eta arrebarekin itsasoko bizitza utzita basamortura joango dira.