Dantzaldi baten prestaketa da liburuan kontatzen dena. Kampf senar-emazte aberats berriek dantzaldi bat antolatu nahi dute, auzoan euren burua aurkezteko baina alaba gazteegia delako –14 urte– alde batera utzita. Dantzaldia abiapuntu hartuta aberats berrien handinahia eta miseriak ezagutarazten dira. Garai bateko gizarte kapitalistako familia burges baten miseriak ageri dira. Testuinguru horretan ama-alaben arteko harreman istilutsuak kontatzen dira. Amak etengabe umiliatzen du, bekaizkeriaz eta berekoikeriaz jokatzen du alabarekin. Alabak mendeku egarriz amaren asmoak porrotera eraman nahi ditu.