Harry Potter saileko laugarren liburua. Udako oporrak dira eta Harry Potterrek laster hasiko du laugarren ikasturtea Hogwartseko Azti eta Sorgin Eskolan. Hara joateko falta diren egunak zenbatzen ari da Harry: han sorginkeria berriak izango ditu ikasteko, quidditchean ere jokatu beharko du, eta oraindik badu zer miatu eta aztertu Hogwartseko gazteluan. Baina Harryk kontuz ibili beharko du, han ustekabeko arriskuak baitauzka zain...

Oraindik ere J.K. Rowlingek harriturik eta liluratuta uzten gaitu ekintzaz beteriko bere narrazio aberatsaren indarrez.

Laugarren liburu hau trinkoa da, eta orri asko ditu, baina irakurleari ez dio arnasa hartzen uzten; aurrekoak bezain dibertigarria eta bizia da, eta abenturez bete-betea dago.