Alberdania argitaletxeak 2002an argitaratutako liburua berrargitaratu du Erein argitaletxeak. Bere garaian Antonio Maria Labaien Saria irabazi zuen Mariasun Landak narrazio honekin eta liburuak Haur eta Gazte Literaturaren Espainiako Sari Nazioanala eskuratu zuen 2003an.

Protagonista gizon arrunt bat da: J.J. Izena bezain arrunta da bere bizitza osoa. Lana, etxea, zaletasunak… bizitzeko behar den guztia dauka. Edo hori uste du berak, ez baitu arazo larririk ikusten. Horregatik, eguneroko bizimoduarekin itsu aurrera jarrai ez dezan, krokodiloa agertu zaio ohe azpian, zer falta zaion kontura dadin. Eta ez da ametsa, krokodiloa hortxe baitago eta ez baita berehalakoan joango.