Idazleak haur baten ikuspuntutik kontatzen digu II. Gerra Mundiala amaitu ondoren, gizarteak bizitako aldaketa. Kontakizunaren protagonista den haurra bera ere aldatzen joango da. Luzatu egingo da, gizendu egingo da... hain da inportantea indartsua izatea! Bizikletan ibiltzen ere trebea bihurtuko da. Etsipena gaindituko du eta Funkel andereñoari, ezkutuan, barre egiteko gauza izango da.

Sommer jauna, ordea, ez da aldatuko. Berdin-berdin jarraituko du, ibili eta ibili, gelditu gabe, nahiz elurra, eguzkia edo euria egin. Ibili eta ibili bizkar-zorroa eta makila hartuta. Lan ederra eta sakona da eta zoragarria nola azaltzen duen haurraren pentsamendua.

Behinola aldizkaria 17. zenbakia. Laura Sagastume