Ustezko sexu eraso baten salaketa du ardatz.

Izenburuak adierazten duen bezala, kuleroek rol garrantzitsua badute ere, narrazioko protagonista Rafa da, hamazazpi urteko gaztea, institutuko izarra. Gauetik goizera, haatik, inguruko tiporik arbuiatuena izango da, alkohola barra-barra ibili zen festa giroko gau baten ondotik sexualki erasotu izana leporatzen baitio neska batek. Eta den-dena du bere kontra zurrutaren ondorioz bezperan zer egin zuen ahaztuta daukan Rafak.

Hiru ikuspegietatik kontatu du honako hau Mintegik: Rafaren esperientziatik (Rafaren terapia), Rafa maite duen neskaren begirada harritutik (Aneren egunkaria) eta azkenean gauzak bere tokian jarriko dituen hirugarren neutral baten begirada baliatuz.