Zaldiek gidatutako diligentzia erasotu egin dute bide-lapur batzuk Beasainera heldu baino lehen. Erasoan, Pedrori, nerabezaroan umezurtz geratu, osabarekin Ziburura bizitzera joan, eta Kanadan bizi izan denari, lepotik zintzilik zeukan kutuna ebatsi diote; Pedrorentzat, “urrearen balioa” duen kutuna, alegia. Erasoan, gainera, Luzia neskatila bahitu dute, erreskatea eskatzeko asmoarekin. Hala, Pedrok asmo irmoa hartu du kutuna berreskuratzeko, kosta ahala kosta; eta, bide batez, neska askatzekoa ere bai. Horretarako hamaika ahalegin egin beharko ditu. Bi helburuak betetakoan Pedrok Luziari kontatzen dio kutunaren inguruan ondutako maitasun istorio hunkigarria.