Adrian Mole ia hamalau urteko mutikoa da egunkari bat idazten hasten denean, urte berriarekin batera. Egunkari honen bitartez jasoko dugu Adriani eta bere inguruari gertatzen zaionaren berri: “intelektuala” izateko bere saioak, bere Pandora maitearekiko harremanak, gurasoen haserreak eta banaketa, aitaren lanpostu-galtzea... Baina ez gaztetxoen historietan sarritan agertzen den dramatismoaz, izugarrizko ironia politez baizik. Umore ingelesaren eredu biribilik nahi baldin bada, hauxe duzu bat.