Izenburua: Hemen eta orain
Idazlea: Laura Brand
Ilustratzailea: Freya Hartas
Itzultzailea: Amaia Apalauza Ollo
Argitaletxea: Txalaparta
Urtea: 2024
Bilduma: TXO!
Orri kopurua: 52
Adina: 8tik gora
Laburpena:
Dibulgazio liburu honetako gaia zientzia eta natura da. Tonu alai eta lasai batean, naturarekin konektatzera gonbidatzen gaitu, bizitzako une txikiez eta naturaren edertasunaz gozatzeko.
Liburuan orrialde bikoitzeko hogei istorio aurkezten zaizkigu. Istorio bakoitzak naturan gertatzen den une labur bat biltzen du, animalien, landareen, eguraldiaren eta naturako beste hainbat elementuren datu eta azalpenez lagunduta. Esaterako, uzta-saguak nola egiten duen habia, ipurtargiaren distira, nola ezkutatzen den barraskiloa, kolibria lorez-lore, elur-malutak, inurri kimatzailea zama ebakitzen eta garraiatzen, kakalardoa magnolia lorea polinizatzen, igela euli bat harrapatzen...
Ilustrazioak koloretsuak eta xehetasun handikoak dira. Koloreetako arkatzekin marraztutako egiantzeko irudietan testuetako azalpenak ikusten ditugu, eta informazioa osatzeko beharrezkoak dira. Testuan azalpen zientifiko labur bat jaso ondoren, binetetan animalia edo landare baten zehaztasunak ematen zaizkigu.