Izenburua: Bira bira biraka
Idazlea: Cécile Bergame
Ilustratzailea: Magali Attiogbé
Itzultzailea: Miren Agur Meabe
Argitaletxea: Ttarttalo
Urtea: 2023
Orri kopurua: 32
Adina: 2tik gora
Laburpena:
Sekuentzia kateatu baten harira eraikitzen den album ilustratu honek lapikoan bukatzetik libratzen den ilar errebelde baten istorioa kontatzen du… ala ez da libratuko? Izan ere, istorioa kateatua izateaz gain zirkularra ere bai baita.
Neskatxi ilarrak garantzen ari da. Ilarrak pirika dabiltza bere hatzen artean eta ontzira jausten dira, baina ilar errebelde bat ontzira erori ez eta salbatu egiten da. Badoa bira, bira, biraka pirika eta armairuaren azpian, eskailerapean, baratzean, galsoroan, simaur piloan eta basoan ezkutatzen da, gustura jango luketen saguaren, katuaren, untxiaren, oiloaren, txerriaren eta otsoaren atzaparretatik libratuz. Azkenean zulo batera jausi, lurrak xurgatu, bere bizi zikloa berriro hasi eta Neskatxik berriro topatzen duen arte.
Sekuentzia bakoitza eszena bakar bat osatzen duten orrialde bikoitzetan antolatzen da. Ezkerraldean aldi oro egitura errepikatzen duen testu errimatu baten bidez ilarra non ezkutatzen den narratzen digu testuak, eta ilustrazioan ilarra aurkitzera jolas daiteke irakurlea. Eskuineko orrialdean, aldi oro egitura errepikatzen duen beste testu batean zein animaliak harrapatuko lukeen ilarra narratzen zaigu, eta ilustrazioan animalia horiek irudikatuta daude, tamaina handiko eta kolore biziko irudi garbien bidez.