Argitalpenak

Liburuaren irudia

Izenburua: Okilen matraka

Idazlea: Julian Gough

Ilustratzailea: Jim Field

Itzultzailea: Edu Zelaieta Anta

Argitaletxea: Ibaizabal

Urtea: 2017

Bilduma: Hartz eta Untxi, 2

Orri kopurua: 101

Adina: 8tik gora


Laburpena:

Lehen irakurleei zuzendutako liburu ilustratua. Irakurle hasiberriei begira osatua dago. Mardula da, baina erraztasunez betea, erronka errazteko. Elkarrizketa bidez garatzen da kontakizunaren parte handi bat. Hari narratiboa garbia da, adarrik edota jauzirik gabea, kontakizun ulerterraz bat daramana. Pertsonaia gutxi daude, eta muturreraino eramandako estereotipoen bidez aurkezten dira: Hartz lasaia eta baikorra da, eta Untxi urduria eta ezkorra. Irudiek orrialde asko betetzen dituzte.

Udaberria iritsi da eta basora lagun berri bat: Okil. Okilak zuhaitzaren enborra zulatzean egiten duen zaratak Untxi bere onetik ateratzen du. Hartzi esker, lagun berriarekin elkarbizitzen eta inguruari beste modu batera begiratzen ikasiko du Untxik.

Orrialde bakoitzean testua eta ilustrazioak konbinatzen dira. Ilustrazioek informazio gehigarririk ematen ez badute ere, irakurle hasi berriari testua ulertzen lagunduko diote. Bi tonutan egindakoak dira: arkatza eta berdea, eta liburuaren goxotasunarekin eta tonu umoretsuarekin bat egiten dute.


Prentsako aipamenak:

Imanol Merceroren kritika Berrian


Okilen matraka