Izenburua: Mari, Meri eta Mori, sorgin ausartak

Idazlea: Antton Kazabon Amigorena

Ilustratzailea: Jokin Mitxelena

Argitaletxea: Denonartean

Urtea: 2022

Orri kopurua: 120

Adina: 12tik gora

Laburpena:

Liburu honetan ipuin luze bat eskaintzen zaigu, ataletan banatuta. Adiskidetasuna, abentura grina, ausardia eta jakin mina bezalako gaiak topatuko ditugu bertan. Tonu alaian idatzita dago.

Mari, Meri eta Mori neskatilek etxeko ganbarako kutxa zahar batean topatutako erratz batekin eta mezua duen botila batekin hasten da kontakizuna. Neskatila eta mutilen arteko nerabezaroko tirabiren artean leinu bereko sorginak berpiztuko ote dituzten izango da magia kontua.

Hogeita bost kapitulu ditu liburuak eta kapitulu bakoitza sorgin erratza erabiliz aurkezten da. Kapitulu bakoitzak badu neurri desberdineko ilustrazio bat edota bi. Ilustrazioak kapituluaren funtsa irudikatzen du. Irudietan pertsonaiek dute protagonismoa, gainontzekoa dekoratua da.