Izenburua: Lazkao Txiki

Idazlea: Joxan Ormazabal Berasategi

Ilustratzailea: Arrastalu

Argitaletxea: Elkarlanean

Urtea: 1995

Bilduma: Xaguxar

Orri kopurua: 96

Laburpena:
Joxe Migel Iztueta, Lazkao Txiki, benetako artista izan zen. Hizketan egokia, bertsolari aparta, txiste eta xelebrekeriak kontatzen trebea. Zihoan lekura zihoala, hiru gauza eramaten zituen berarekin: pozak, penak eta umorea. Baina penak, gehienetan, beretzat gordetzen zituenez, jendeari makina bat barre eragin zion bere bertso eta txisteekin. Doinua goxatuz gai sakonak kantatzeari ekiten zionean, bati baino gehiagori malkoak aterarazi ohi zizkion. Liburu honetan ere denetik dago, baina umorea da irakurleak gehien aurkituko duen jeneroa. Oso liburu egokia da zatika-zatika irakurtzeko, baina ziur aski, irakurtzen hasten diren gehienek ez dute bukatu arte utziko. Eta hori zergatik? Lazkao Txiki bera zelako eta delako erakargarria.