Izenburua: Hartz eta Untxi: Hozkada galantak
Idazlea: Julian Gough
Ilustratzailea: Jim Field
Itzultzailea: Edu Zelaieta Anta
Argitaletxea: Ibaizabal
Urtea: 2019
Bilduma: Hartz eta Untxi, 4
Orri kopurua: 112
Adina: 8tik gora
Laburpena:
Hartz eta Untxi bildumako 4. zenbakia da. Bilduma honetan basoan bizi den lagun talde baten abenturak kontatzen dira, umorea oinarri duten elkarrizketa bidezko narrazioak erabiliz. Irudiaren presentzia handia da, eta hainbat unetan testuari gain hartzerainoko garrantzia dauka.
Hartz lasaia, ulerkorra eta pazientzia handikoa da; Untxi, bere antagonista, urduria, haserrekorra, eta pazientzia gutxikoa. Oraingo honetan kooperazioaren balioa azpimarratu eta arrakastaren inguruan hausnartzera eramaten gaitu autoreak. Basoko zuhaitzak desagertzen ari dira, geratzen diren motzondoetan hortz erraldoi batzuen markak ageri dira. Untxi izututa, Hartzengana doa... Zer munstro motak jan lezake zuhaitz bat?
Dinamismoz betetako ilustrazioek testuaren umorea azpimarratu egiten dute, eta ale bakoitzean kolore tonu bat nabarmendu egiten da. Udazkenaren bukaeran gertatzen den honetan, tonua laranja da.