Izenburua: Amona, zure Iholdi

Idazlea: Mariasun Landa Etxebeste

Ilustratzailea: Elena Odriozola Belastegui

Argitaletxea: Erein

Urtea: 2000

Bilduma: Siberia Treneko...Saila

Orri kopurua: 23

Laburpena:
Martinek linterna bat atera zuen bere motxilatik, eta nik galdetu nion zertarako zen eta berak ez zidan ezer ere erantzun, eta urduri nengoen, ez nekien zergatik...<BR>
Eta, bat-batean, jira egiteko eta begiak zabaltzeko agindu zidan.
-Alto! Geldi hor! <BR>
Orduan, amona, Martinek pistola batekin apuntatzen ninduela ikusi nuen, edo hobeto esanda, hasieran linternaren argiak itsutu egin ninduen, eta gero beste eskuan pistola bat zuela ikusi nuen. Eta gero, pum! pum! pum! oihu egin zidan, eta gero, ja! ja! ja!..., barre algaraka hasi, eta benetako pistola bat zen, hori da okerrena, jostailu bat ez zela, horretaz berehala konturatu nintzen. Geroxeago, hartzeko pistola lasai, eskaini zidan berak, eta nik hasieran ezetz, handik alde egin nahi nuela, baina, azkenean, jakin-minez edo, neuk ere pistola hura nire eskuetan hartu nuen. Dexente pisatzen zuen, eta beltz-beltza zen, ikaragarria.<BR>
-Zer iruditzen zain? Ez al dun guai?