Izenburua: Abezedario titirijario

Idazlea: Juan Kruz Igerabide Sarasola

Ilustratzailea: Elena Laura

Argitaletxea: Denonartean

Urtea: 2017

Orri kopurua: 61

Adina: 4tik gora

Laburpena:

Poesia eta dibulgazioa. Abiapuntua nozioa da: abezedarioaren letrak. Tonua jostagarria da, eta hezitzailea.

Letren “txotxongiloa” erakusten digu liburuak, eta, emanaldi bat izango balitz bezala, letra guztiak agertzen dira, banan-banan, bai letra larriarekin, bai letra xehe lotuarekin. Letra bakoitzari bi orrialde eskaintzen zaizkio, Ezkerretara letraren aurkezpena dator, eskuinetara bi poema. Liburuak zuhaitzaren irudia baliatu du testuak aurkezteko eta uztartzeko; hain zuzen, abezedarioaren letrak zuhaitzaren adarretan zintzilik, “poesiaren haize leunak kulunkaturik”.

Ilustrazioak letra bakoitzaren aurkezpenarekin eta poesiarekin uztartuta daude. Batzuetan, aurpegia baino ez dute letrek; beste batzuetan letra osoa eraldatzen da.