Gasteizko Udalak 2025eko Vitoria-Gasteiz Itzulpen Sarien deialdia egin du, haur eta gazte literaturaren alorrean euskarara egindako itzulpenik onenak saritzeko. 2002. urteaz geroztik antolatzen ditu Udaleko Euskara Zerbitzuak, eta itzultzaileen lana aitortzea eta euskarazko sorkuntza eta literatura sustatzea dute helburu.

Oinarriak plazaratu berri dituzte. Ohi bezala bi sari emango dituzte, bakoitza 9.000 eurokoa, bata haur-literaturan eta bestea gazte-literaturan. Edozein hizkuntzatatik euskarari ekarritako lanak izan daitezke. Lanak aurkezteko epea maiatzaren 2an itxiko dute.