Azaroaren 13an izango da, Donostiako Liburutegi Nagusiko Sotoan. Galtzagorri Elkarteak Ipuin Kontalarien Maratoiaren zazpigarren ekitaldia antolatu du Haur Liburutegi Nagusiarekin elkarlanean. Aurtengoan ere, egitarauak haurrak, gazteak eta helduak erakarri nahi ditu.

Lau saioak doan dira, baina aurretik izena eman beharko da, HEMEN.

Hona prestatu dugun egitaraua:

• 11:00. Saroa Bikandi. Tok Tok Oooooohhhh! 2-4 urte.

• 12:00. Itziar Saenz de Ojer eta Joxan Arrue. Kontu konta kantaldia. 5-9 urte

• 17:00. Pello Añorga eta Jokin Mitxelena. Marripuinak. 7-12 urte.

• 18:00. May Gorostiaga. Nire munduan. Gazteak eta helduak.

Animatu, eta parte hartu!