Kultura Sorkuntza beken deialdia egin du Eusko Jaurlaritzako Kultura Sustatzeko Zuzendaritzak. Aurten lehenago egin du deialdia eta eskaerak urtarrilaren 27rako aurkeztu behar dira.

Deialdiaren barruan, literatura arloan, ohi bezala, bi modalitate izango dira:

1. Euskaraz idatzitako gazte literatura.

2. Euskaraz idatzitako Ipuinak eta eleberri motzak.

Modalitate bakoitzean 9.000 euroko 6 dirulaguntza emango dituzte.

Irudi sorkuntzarako dirulaguntzen deialdia aldi berean egin dute oraingoan eta proiektuen entrega-data berbera izango da, urtarrilaren 27a.

Bi lerro daude dirulaguntzetan:

1. Komiki baten edo nobela grafiko baten ilustrazioak sortzeko.

2. Irudidun album edo liburu bat sortzeko.

Atal bakoitzean 15.000 euroko bost laguntza emango dituzte.

Eskaerak elektronikoki tramitatu daitezke, jaurlaritzaren plataforman ageri dira atxiki beharreko dokumentu guztiak eta dirulaguntzen baldintzak.