Euskal Irudigileak elkarteak egitarau oparoa antolatu du aurtengo Irudika Nazioarteko Ilustrazio Topaketa Profesionalaren ediziorako. Hitzaldiak, hitzordu profesionalak, ilustrazioari begiratzeko hamaika ertz jorratuko dituzte urriaren 24an hasi eta 26raino (asteburu osoa). Topaketa Gasteizko Artium Museoan izango da.

Sektore Paraleloak izena jarri diote ilustrazioa eta tatuajegintza, kantagintza edo fanzinegintza lotuko dituen egitarauaren zatiari. Argitaletxeen eta irudigileen munduari begiratzeko atalean, liburuak egiteko beste moduak, filosofia eta ilustrazioa, formatu bereziak, liburu-dendak, azokak eta abar landuko dituzte. Azpimarra egingo diote Palestinako ilustraziogintzari eta genozidioak itota dagoen lurraldeko ilustratzaileei hitza emango diete. Tailerrak, kontzertuak, erakusketa, hitzordu profesionalak eta hamaika ekintza gehiago hartuko ditu.

Egitarau osoa ikusi eta sarrerak lortzeko, hemen.