Ekainean ilustratzaileei zuzendutako MarraziOak tailerra egingo dugula, eta ipuin klasikoak tailerraren ardatza izango direla aprobetxatuz, Gonagorriren 19. alerako gaia ostu dugu, baita MarraziOetan gidari ibiliko diren Juan Kruz Igerabideren eta Maite Gurrutxagaren ahotsak ere. Zertaz ari gara ipuin klasikoei buruz ari garenean? Galdetu diogu, esaterako, Igerabideri. Nola eman daitezke irudi bidez? Gurrutxagari. Kontaketa Ixabel Agirresarobek ekarri digu eta Lore Agirrezabalek, gomendioa. Gozatu!