Pozarren gaude. Haur eta gazte literaturak gure literatura sisteman izaten duen unerik sonatuenetakoa iritsi da, aurtengo Euskadi sariak eman dituzte eta Leire Bilbaok Barruko hotsak (Pamiela, 2021) eta Maite Mutuberriak Irrimola (Ikaselkar, 2021) irabazi dituzte haur eta gazte literatura atalean lehenak, eta ilustrazioan bigarrenak. Informazio osoa irakurri ez baduzu hemen uzten dizugu Berriak emandako albistea. Zorionak biei!!!

*Barruko hotsak liburuaren iruzkinaren lotura gehitu dugu, Galtzagorriko Irakurle Mintegiak osatutako iruzkina da.

Bide batez, Lizardi saria irabazi berri duen Yolanda Arrietari ere zorionak! Mari Gonagorri eta hamazazpi berri lanarekin irabazi du berritutako Lizardi sariaren 41. edizioa.