Liburu Gaztea Boooktrailer lehiaketaren irabazleek urtero bezala abentura txango ezberdinen artean bat aukeratu behar izaten dute. Aurten ados jarri direla dirudi, izan ere, DBH 1-2 eta DBH 3-4 kategorietako irabazleek "Parapentean hegaldia" abentura aukeratu dute! A ze ausart kuadrila! SORBETE (Egiluze – Hondarribia) eta EHUNEKOAK  (Lezo institutua) taldeetako kideek gipuzkoako kostaldea airetik ikusteko aukera izango dute.

Bestalde, publikoaren bozka eman zutenen artean e-reader bat zozketatu dugu zenbakiak aukeratzeko programa bati esker. 553 pertsonek bozkatu zuten bere booktrailer gustokoenen alde eta Elena Urdapilleta izan da guzti horien artean e-readerra egokitu zaion pertsona 222 zenbakiarekin. Zorionak Elena, laster izango duzu e-irakurgailua etxean!

Datorren urtean 9.edizioa antolatuko dugu eta laster zabalduko dugu lehiketan parte hartzeko aurre-matrikulazioa. Hauek dira datorren ikasturterako proposatu diren liburuak:

DBH 1-2:

• Wonder. Mutiko miragarria. Raquel Jaramillo. Denonartean
• Coraline. Neil Gaiman. Itzul: Julen Gabiria. Elkar

DBH 3-4 :

• Momo. Michael Ende. Begiko
• Ezezagunak. David Lozano. Giltza

8. edizio honi agur esateko ondorengo lerroetan aurtengo sarituen booktrailerrak ikusi ahal izango dituzue, gozatu:

EPAIMAHAIAREN SARIA

• DBH 1-2: SORBETE (Egiluze – Hondarribia)

• DBH 3-4: EHUNEKOAK  (Lezo institutua)

• Norbanakoek kategoria: LAUKIAK

PUBLIKOAREN SARIA

• Ikastetxea: DBH 2B 05 taldea (LaSalle Donostia)

• Norbanakoa: DBH 2 Bakarka Unai