Lau aste besterik ez dira gelditzen Booktuberboom lehiaketan booktubeak aurkeztu ahal izateko eta dagoeneko badira martxan jarri diren gazteak eta jaso ditugu haien booktubeak!!! Horietako batzuk publikoki parte hartzeko erabakia hartu dute eta gure youtubeko kanalean izango dira ikusgai, besteek ordea haien booktubea epaimahaiak soilik ikustea nahi dute. Beraz ez ahaztu parte hartzeko bi modu dituzuela eta parte-hartze formularioan adierazi beharko duzuela, besterik ez. Ez utzi azken momenturako!!!

Gu bitartean ez gara geldirik geratuko! Astelehenean Lakuako Ibaiondo liburutegira goaz bertako gazteei bisita egitera. Asteazkenean berriz Zallako liburutegian izango gara eta ostiralean Elorrioko gazteen txanda izango da. Azaroan zehar 8 kedada antolatu ditugu guztira azken txanpa honetan zalantza guztiak argitu eta gazteak animatzeko helburuz.

Gogoratu booktubeak aurkezteko epea azaroaren 29an amaituko dela, eguerdiko 12:00etan. Esan bezala 4 aste geratzen dira, nahikoa eta soberan booktube original eta borobilak aurkezteko. Edozein zalantza izanez gero sartu gure blog-eko adibideak edo oinarriak ataletara eta ekin lanari! Sari mundialak daude jokoan!

Bide batez hemen duzue Antton Telleriak egindako booktubea: