Aitor Aranak esperantora itzulitako Usoa venis fluge kai Sola kai senvosta liburuak jaso du aurten UEA Universala Esperanto-Asociok (Esperanto Elkarte Unibertsala) urteko haur libururik onenari ematen dion saria. Patxi Zubizarretaren Usoa, hegan etorritako neskatoa eta Bakarrik eta Buztangabe ipuinek osatutako liburua da Aranak itzuli eta saria jaso duena (Usoa, hegan etorritako neskatoa eta Bakarrik eta Buztangabe).

Aitor Arana idazle eta itzultzaileak esperantora itzuli eta Erroteta argitaletxearen Lulumo bilduman eman zuen argitara. Liburuaren itzulpenagatik, saria jaso du aurten argitaletxeak. UEAk abuztu hasieran eman zuen horren berri, Lillen (Frantzia) egindako 100. Esperantos Universala Kongreso-an (Esperantoaren Kongresu Unibertsala).