Bularretik Mintzora egitasmoaren baitan argitaratzen dugun BM buletinaren otsaileko zenbakia argitaratu berri dugu. Bertan, besteak beste, ipuinak ahoz kontatzearen garrantzia azpimarratzen du Etxean kontu-kantari atalak. Eta jarduera hori praktikatzeko hainbat adibide ematen dizkigu. Kukurruku! elkarrizketa, Kanika txikia kantu-jolasa, Makila-kixki ipuina, edota Baratzeko pikuak abestia. Entzun eta erabili zuk ere!
Hemen duzu Kukurruku!-rekin proposatzen denaren azalpena:
Etxean elkar rizketa polit bati hasiera eman diezaioke helduak. Goizean esnatzerakoan helduak: kukurruku! Eta haurrak: zer diozu?... Esnatzeko modu polita, ezta?
- Kukurruku!
- Zer diozu?
- Buruko min.
- Zeinek egin?
- Axeriak.
- Axeria non da?
- Txotxak biltzen.
- Txotxak zertarako?
- Sua pizteko.
- Sua zertarako?
- Amona berotzeko.
- Amona zertarako?
- Oiloari jana emateko.
- Oiloa zertarako?
- Arrautza egiteko.
- Arrautza zertarako?
- Gu guztiok jateko