Uztailaren 7an eta 8an ekingo diete Formación práctica para animadores de lectura ikastaroari EHU/UPV-ko Udako Ikastaroretan. Hain zuzen, Galtzagorri Elkarteak Udako Ikastaroekin elkarlanean irakurketa sustatzaileei zuzenduteko ikastaroa da eta Galtzagorri Elkarteko lankide eta literatura aditu nahiz sustatzaile den Itziar Zubizarretak zuzentzen du ikastaroa. Datozen saioetan ondoan izango ditu, Juan Kruz Igerabide, Mariasun Landa eta Gurutze Aldabaldetreku.

Ikastaroaren helburua, Euskadin irakurketa sustatzeko dauden egitasmoen berri ematea, esperientziak trukatzea, irakurketa sustatzeko egitasmoak abian jarri dituzten pertsonekin hartu emanetan jartzea da. Horretarako irakurketaz gozatzeko dauden proposamen zehatzak aurkeztuko dira.